Гадаадын жуулчдаас олсон орлого 2022 онд 803.7 тэрбум төгрөг болж, өмнөх оноос 745.2 (12.7 дахин) тэрбум төгрөгөөр, дотоодын жуулчдын гадаадад аялсан зардал 2022 онд 3148.7 тэрбум төгрөг болж, өмнөх оноос 1034.0 (48.9%) тэрбум төгрөгөөр тус тус өссөн байна.

3.4 АЖИЛЛАГЧДЫН ТОО, САРЫН ДУНДАЖ ЦАЛИН

Ажиллах хүчний судалгааны 2022 оны жилийн эцсийн үр дүнгээр зочид буудал, байр, сууц болон нийтийн хоолны үйлчилгээний салбарт 32.0 мянган хүн буюу нийт ажиллах хүчний 2.7 хувь нь ажиллаж байна.

Нийт ажиллагсадын тоо 2022 онд 1180.5 мянга хүрч, өмнөх оноос 54.9 мянга буюу 4.9 хувиар өссөн бол тус салбарт ажиллагсдын тоо 32.0 мянга болж, өмнөх оноос 5.6 мянган хүн буюу 14.9 хувиар буурсан байна.